Kryeministri aktual i Serbisë, Aleksandar Vuçiq, është gjithnjë e më afër kandidaturës për President të Serbisë, në zgjedhjet që mbahen në prill të këtij viti.

Kandidatura e Vuçiqit për President të Serbisë është përkrahur së pari nga partneri I koalicionit qeverisës në Serbi, Ivica Daçiq, i cil është kryetar i Partisë Socialiste të Serbisë (SPS).

Vuçiqi, I cili është kryetar i Partisë Përparimtare Serbe (SNS), ka marrë mbështetje edhe të nënkryetari i SNS, Milosh Vuçeviq, i cili në një prononcim për TV Pink ka mbështetur kandidaturën e Vuçiqit për President të Serbisë, raporton portali Blic.

Në anën tjetër, si kandidat i mundshëm i partisë SNS është edhe Presidenti aktual, Tomisllav Nikoliq, kandidat i preferuar i Federatës ruse.

Sipas raportimeve të mediave serbe, Vuçiqi shihet si kandidat më i preferuar i Perendimit pasi ështe njeriu që mund të çojë proceset përpara, sidomos procesin dialogues me Kosovën dhe integrimin në BE.

Mediat serbe poashtu kanë raportuar se dialogu Kosovë – Serbi do të vazhdojë në nivelin më të lartë, ku palë dialoguese do të jenë presidentet e të dy shteteve e jo siç ka qenë deri më tash.

Sipas njoftimeve të mëhershme është mesi i javës tjetër kur përfundimisht do të dihet emri i kandidatit presidencial nga partia në pushtet – SNS. /GazetaExpress/.